پەیامی هاوخەمی بەشێک لە وڵاتانی جیهان بۆ کۆچی دوایی پاپا فرانسیس

ئاڤا نیوز

 

ڕۆژی دووشەممە، پاپا فرانسیس پاپای ڤاتیکان کۆچی دوای کرد و سەرۆک و سەرکردەکانی جیهان سەرخۆشی و هاوخەمی خۆیان بۆ ڤاتیکان دەڕبری.

 

وێنە گەورەکە: ڕۆژی دووشەممە 21-4-2025، پاپا فڕانسیس، پاپای ڤاتیکان و ڕێبەری کاتۆلیکەکانی جیهان دوای تووشبوونی بە نەخۆشی هەوکردنی سییەکان لە تەمەنی 88 ساڵیدا کۆچی دوایی کرد، وڵاتانی جیهانیش سەرەخۆشی خۆیان ئاراستەی ڤاتیکان دەکەن.

زانیاریی زیاتر: ئەو وڵاتانەی سەرەخۆشیان لە ڤاتیکان کرد ئەمانەن:-

هەرێمی کورستان: مەسرور بارزانی، سەرۆکوەزیرانی هەرێمی کورستان  پرسە و سەرەخۆشی خۆی ئاراستەی باوەڕدارانی کاتۆلیکەکی لەسەرانسەری کوردستان، عێراق و جیهان کرد و  ڕایگەیاند: بە کۆچی دوای قەداسەتی پاپا فرانسیس، جیهان دەنگێکی دڵسۆز و یەکڕیزخوازی لەدەست دا. 

- نێچیرڤان بارزانی، سەرۆکی هەرێمی کورستان ڕایگەیاند: هاوئازاری له‌ده‌ستدانی ئه‌م كه‌سايه‌تييه‌ مێژووييه‌ گه‌وره‌يه‌ین كه‌ ژيانی خۆی بۆ خزمه‌تی مرۆڤ و به‌رگری له‌ شکۆی مرۆيی و بڵاوكردنه‌وه‌ی په‌يامی خۆشه‌ويستی و پێكه‌وه‌ژيان ته‌رخان كردبوو.

-عێراق: د.لەتیف ڕەشید، سەرۆککۆماری عێراق  ڕایگەیاند: مرۆڤدۆستی، ڕەتکردنەوەی جەنگ، داوای ئاشتی و پێکەوەژیان لەنێوان گەلان، ئەو هەڵوێستانەن کە  پاپا فرانسیس پاپای ڤاتیکانی پێی دەناسرا و لەم بوارانەشدا جێدەستی دیاربوو، بە کۆچی دوایشیی جیهان کەسایەتییەکی ناوازەی ئاینیی و مرۆیی لەدەستدا.

تورکیا: ڕەجەب تەیب ئەردۆغان، سەرۆکی تورکیا سەرەخۆشێ خۆی ئاراستەی هەموو باوەڕدارانی کاتۆلیکی جیهان کرد و ڕایگەیاند: پاپا گرنگی بە بابەتە مرۆییەکانی جیهانی داوە بەتایبەتی پرسی غەززە کە هەر لە سەرەتاوە لەگەڵ ئەوخەڵکی فەڵەستین وەستاوە.

ئێران: ئیسماعیل بەقائی، وتەبێژی وەزارەتی دەرەوەی ئێران ڕایگەیاند: ''سەرەخۆشی خۆمان ئاراستەی ڤاتیکان و  هەموو مەسیحییەکانی جیهان دەکەین''.

فەڵەستین: مەحمود عەباس، سەرۆکی فەڵەستین هاوخەمی خۆی بۆ کۆچیی دوای پاپا دەڕبری و ڕایگەیاند: 'دۆستێکی  دڵسۆز'ی  فەلەستینییەکانمان لەدەستدا. 

ئەڵمانیا: ئۆلاف شۆلز، ڕاوێژکاری ئەڵمانیا  ڕایگەیاند: ''سەرەخۆشی خۆم ئاراستەی تەواوی بڕوادارانی کاسۆلیکی جیهان دەکەم''

ئۆکراینا: ڤۆلۆدیمێر زیلینسکی، سەرۆکی ئۆکرینا سەرەخۆشی خۆی ئاراستەی ڤاتیکان کرد  و ڕایگەیاند: پاپا داوای ئاشتی بۆ  ئۆکراینا کردووە دژی هێرشەکانی ڕووسیا بووە''.

رووسیا: ڤلادیمێر پووتین، سەرۆکی ڕووسیا دوای سەرخۆشی بۆ ڤاتیکان  ڕایگەیاند: ''پاپا داکۆکیکاری مرۆڤایەتیی و دادپەروەری بوو''.

فەرەنسا: ئیمانوێل ماکرۆن سەرۆکی فەرەنسا ڕایگەیاند: ''پاپا فرانسیس هەوڵیدا کەنیسەکان بکاتە سەرچاوەی هیوا بۆ هەژارەکان و بە درێژایی ژیانی خەباتی بۆ دادپەروەری کرد''.

هەنگاریا: ڤیکتۆر ئۆربان سەرۆکی هەنگاریا دوای هاوخەمی بۆ کۆچی دوایی پاپا  ڕایگەیاند: ''سوپاس بۆ هەموو شتێک کە بۆ مرۆڤایەتیی کردت''

ئیسرائیل: ئیسحاق هێرزۆگ، سەرۆکی ئیسرائیل ڕایگەیاند: پاپا خاوەن باوەڕێکی قوڵ و بەزەییەکی بێ سنوور بوو ژیانی خۆی تەرخان کرد بۆ پشتگیریکردنی هەژاران و داکۆکیکردن لە ئاشتی".

میسر: عەبدولفەتاح سیسی سەرۆکی میسر ڕایگەیاند:  "پاپا کەسایەتییەکی جیهانی ناوازەبوو و  ژیانی خۆی بۆ خزمەتکردنی بەهاکانی ئاشتی و دادپەروەری تەرخان کرد''.

لوبنان: جۆزێف عەون، سەرۆکی لوبنان ڕایگەیاند:  ''ئەمە خەسارەتێکە بۆ هەموو مرۆڤایەتی،  پاپا  دەنگێکی بەهێز بوو بۆ دادپەروەری و ئاشتی''.

- ئەنتۆنیۆ کۆستا سەرۆکی ئەنجوومەنی ئەورووپا ڕایگەیاند: ''گەورەترین خەمی پاپا پرسەکانی، کۆچبەرانم گۆڕانی کەشوهەوا، نایەکسانی و ئاشتی بوون، بیرکردنەوەکانی پاپا ئیلهام بەخش بوون''.

- ئورسولا ڤۆن دێر لاین، سەرۆکی کۆمیسیۆنی یەکێتیی ئەوروپا سەرەخۆشی خۆی ئاراستەی ڤاتیکان کرد.