زانکۆی هارڤارد سکاڵا لەسەر ترەمپ تۆمار دەکات

ئاڤا نیوز

 

دوای ئەوەی ئیدارەی ترەمپ هەستا بە کەمکردنەوەی یەک ملیار دۆلار لە بوجەی زانکۆی هارڤارد، لەبەرامبەردا زانکۆکە سکاڵای دژ بە ئیدارەی ترەمپ تۆمار دەکات.

 

چیڕۆکی سەرەکی: دۆناڵد ترەمپ، سەرۆکی ئەمریکا بڕیاریدا بە کەمکردنەوەی یەک ملیار دۆلاری دیکەی لە بودجەی زانکۆی هارڤارد، بەهۆی ڕازی نەبوونی زانکۆکە بە داواکارییەکانی.

 

زانیاریی بەدەستهاتوو: ئالان گاربەر، سەرۆکی زانکۆی هارڤارد ڕایگەیاند، سکاڵای یاساییان لە دژی ئیدارەی دۆناڵد ترەمپ، سەرۆکی ئەمریکا تۆمار کردووە و باس لەوە دەکات کە بە شێوەیەکی نایاسایی ملیارەها دۆلاری دارایی فیدراڵی ڕاگرتووە''.

 

لەلایەکی دیکەوە: لە داواکارییەکەدا باس لەوە کراوە، ''ئیدارەی ترەمپ مافە دەستوورییەکانی هارڤاردی پێشێل کردووە بە وەستاندنی بودجەی فیدراڵی دەشڵێت، "ڕاگرتنی پارەکان بەشێکە لە هەڵمەتی فشارەکانی بۆ ئەوەی هارڤارد ناچار بکات ملکەچی حکومەت بێت سەبارەت بە  پرۆگرامە ئەکادیمییەکانی''.

 

زانیاریی زیاتر: تاوەکو ئێستا ئیدارەی ترەمپ لێدوانی لەسەر ئەم سکاڵایە نەداوە.