سەرۆک بارزانی و باڵیۆزی نوێی بەریتانیا تاوتوێی هەڵبژاردنی ئەنجوومەنی نوێنەران عێراق دەکەن

ئاڤا نیوز

ئەمڕۆ سێشەممە 22ی نیسانی 2025 لە سەڵاحەددین سەرۆک مەسعود بارزانی، پێشوازی لە عرفان سدیق، باڵیۆزی نوێی بەریتانیا لە عێراق کرد.

 

ڕاگەیێنراوی فەرمی: بارەگای بارزانی ڕایگەیاند، لە دیدارێکدا کە ئاندرۆ بیزلی، کونسوڵی گشتیی بەریتانیا لە هەولێر ئامادەیی بوو، سەرۆک بارزانی پیرۆزباییەکی گەرمی لە باڵیۆزی نوێی بەریتانیا لە عێراق کرد بۆ دەستبەکاربوونی و هاوکات پاڵپشتییەکی خۆی بۆ دەربڕی. 

 

- هاوکات لەو دیدارەدا باسی ڕووداوەکانی ناوچەکە بە گشتی و پەیوەندییەکانی نێوان حکوومەتی هەرێمی کوردستان و حکوومەتی عێراقی فیدڕاڵ و هەڵبژاردنەکانی داهاتووی ئەنجوومەنی نوێنەرانی عێراق کرا.

- لە کۆتایی ئەو دیدارەدا جەخت لە پەرەپێدانی دۆستایەتی و پەیوەندییە مێژووییەکانی نێوان گەلی کوردستان و بەریتانیا کرایەوە.