خوێندنی باڵا داوای بودجە دەکات بۆ دامەزراندنی سێ یەکەمەکان

ئاڤا نیوز

هەوڵەکان بۆ دامەزراندنی سێ یەکەمەکانی زانکۆ و پەیمانگەکان بەردەوامە، وەزارەتی خوێندنی باڵا و توێژینەوەی زانستی داوا دەکات بودجەیان بۆ تەرخان بکرێت.

لێدوانی فەرمی: د. توانا نەجەف، بەڕێوەبەری گشتیی فەرمانگەی کارگێڕی و دارایی لە وەزارەتی خوێندنی باڵا بە ئاڤا میدیای ڕاگەیاند، "ئێمە داواکاریمان پێشکەش بە ئەنجوومەنی وەزیرانی هەرێمی کوردستان کردووە لەسەر ئەو داهاتەی لە عێراق دێت سێ یەکەمەکان دابمەزرێن".

- دامەزراندنەکە سێ یەکەمەکانى سەر ئاستى بەش و کۆلێژەکان لە زانکۆ و پەیمانگەکانى هەرێمى کوردستان لە ساڵانی خوێندنی (2017- 2018 تا 2021-2022) دەگرێتەوە.

- دوێنێ سێشەممە لە کۆبوونەوەکەی نێوان وەزارەتی خوێندنی باڵا و ئەنجوومەنی ڕاژە "بڕیاردرا بە ئامادەکردنى کۆنووسێکى هاوبەش لە نێوان وەزارەتى خوێندنى باڵا و توێژینەوەى زانستى و ئەنجوومەنى ڕاژە، لە ڕێگەى ئەنجوومەنى وەزیرانى هەرێمى کوردستان ئاراستەى لایەنە پەیوەندیدارەکان بکرێت، بۆ ئەوەى بودجەى پێویست بۆ دامەزراندنی سێ یەکەمەکان و فەرمانبەرانی گرێبەست تەرخان بکرێت".