دوو گەنجی ژینگەدۆست زبڵ و خاشاکی سەیرانکەران پاک دەکەنەوە

ژینگە
2 ئایار

شەیری بکە لە:

ئاڤا نیوز

دوو گەنجی ژینگەدۆست خۆ بە خۆیی زبڵ و خاشاکی سەیرانکەران پاک دەکەنەوە و ڤیدیۆ تۆمار دەكەن و بڵاوی دەكەنەوە.

وێنە گەورەکە: دوو گەنجی ژینگەدۆست و چالاكی كورد لە سلێمانی، هەر بە تەنیا و خۆ بە خۆیی، دەستیان كردووە بە هەڵمەتێكی ژینگەپارێزی و دەڵێن هەر جارێك دەچینە شوێنێكی گەشتیاری و هەرچی زبڵ و خاشاكە كۆیدەكەینەوە، ئەو دوو گەنجە بەدەم كۆكردنەوەی زبڵ و خاشاك و قوتووی بیبسی و دەبەی ئاو قسەی خۆشیش دەكەن و شێوازێكی تایبەت بە خۆیان هەیە و ڤیدیۆ تۆمار دەكەن و بڵاوی دەكەنەوە.

بینراو و بیستراو: لەنێو ڤیدیۆكەدا زوو زوو دەڵێن ئەوە تۆ بە جدیتە؟ تەمەتوعی لێ دەبینی کە ژینگەی كوردستان پیس بكەی؟ یەكێكیان بە پێكەنینەوە دەڵێ با ماڵمان بە قوڕ نەگیرێ. ئەم دوو گەنجە بوونەتە جێی سەرنجی خەڵك لە تۆڕە كۆمەڵایەتییەكان و وردە وردە خەڵك پشتگیریی خۆیان بۆ دەردەبڕن.

بۆچی گرنگە: ئامانجی ئەو دوو گەنجە ئەوەیە ئەم هەڵمەتە فراوان بكەن و خەڵكی دیكەش هەر یەكە و لە جێگەی خۆیەوە دەست بە كۆكردنەوەی زبڵ و خاشاكی شوێنەكەی بكات. هاوكات بەم شێوازە تەنزئامێزییەی خۆیان وا بكەن خەڵك كە چووە گەیشت و سەیران ژینگە پیس نەكەن و پاشماوە و زبڵەكە بخەنە نێو زەرفێك و لە شوێنێك دایبنێن یان بیخەنە نێو تەنەكەخۆڵی گەورەوە.