ئیسرائیل و ئەمریکا بەچڕی بۆردوومانی حووسییەکان دەکەن

ئاڤا نیوز

ئیسرائیل و ئەمریکا بەچڕی بۆردوومانی حووسییەکانی یەمەنیان کرد، بەرپرسێکی ئیسرائیل دەڵێت، هێرشەکانیان بە هەماهەنگی ئەمریکا ئەنجام داوە.

وێنە گەورە: دوای بۆردوومانکردنی گەورەترین فڕۆکەخانەی ئیسرائیل لەلایەن حووسییەکانەوە، ئیسرائیل هەڕەشەی لێدانی گورزی توندی لە یەمەن کرد.

بڵاوکراوەی فەرمی: تەلەفزیۆنی سەر بە حووسییەکان ڕایگەیاند: ئەمریکا و ئیسرائیل بە شەش هێرشی یەک لە دوای یەک بەندەری حودەیدە و ناوچەی باجیلیان لە کەناری ڕۆژئاوای یەمەن کردووەتە ئامانج.

لەلایەکی دیکەوە: میدیاکانی ئیسرائیل لە زاری بەرپرسێکی سەربازیی ئیسرائیلەوە ڕایگەیاند، 10 ئامانجیان بە هەماهەنگی لەگەڵ ئەمریکا کردووەتە ئامانج.

- "بەندەری حودیدە و کارگەکانی دروستکردنی چەکی حووسییەکانمان کردووەتە ئامانج و 30 فڕۆکەی جەنگی بەشدارییان تێدا کردووە".