
دیمەنی ئاماژەیی بە ڤایرۆسی تای خوێنبەربوون
ئاڤا نیوز
ئێستا هیچ حاڵەتێكی تووشبوون بە نەخۆشی تای خوێنبەربوون لە شاری كەركووك نەماوە و ئەو تووشبووەی كە لە نەخۆشخانە بوو، دوای وەرگرتنی چارەسەریی پێویست، چاكبووەتەوە و ڕەوانەی ماڵەوە كراوە، هاوكات ئەنجامی پشكنینی حاڵەتێكی گوماناوی پاك دەرچووە.
وێنە گەورەكە: لەگەڵ بڵاوبوونەوەی نەخۆشی تای خوێنبەربوون لە عێراق، پارێزگای كەركووك بووە زۆنی سووری نەخۆشییەكە، بەجۆرێك 40 حاڵەتی گوماناوی بە تووشبوون لەو پارێزگایە تۆماركرا كە هەشت حاڵەتیان پشتڕاست كراونەتەوە، چوار لە تووشبووان مردوون، چوار تووشبووش چاكبوونەتەوە و ڕەوانەی ماڵەوە كراونەتەوە و ئێستا هیچ تووشبووێك لە نەخۆشخانە نەماوە.
ئەوەی پێویستە بیزانیت: بۆ ڕێگرتن لە بڵاوبوونەوەی نەخۆشی تای خوێنبەربوون، دوو هەفتە لەمەوبەر، هۆبەی ئۆپەراسیۆنی بەرەنگاربوونەوەی تای خوێنبەربوون لە پارێزگای كەركووك پێكهێندرا و دەستبەجێ ژمارەیەك بڕیاری پێویستی دەكرد، لەوانەش؛ قەدەغەكردنی هێنان و بردنی هەمووجۆرە ئاژەڵێك بۆ پارێزگای كەركووك بۆ ماوەی 21 ڕۆژ، هەروەها قەدەغەكردنی سەربڕینی ئاژەڵ لەسەرجەم شوێنەكانی شاردا، جگە لە سەربڕخانەی گشتیی كەركووك.
ڕاگەیێنراوی فەرمی: فەرمانگەی تەندروستیی کەرکوک لە ڕاگەیێنراوێكدا بڵاویكردووەتەوە، ئەومنداڵە تەمەن 9 ساڵەی دوێنی بەگومانی تای خوێنبەربوون پشکنینی بۆکرا، ئەمڕۆ هەینی ئەنجامەکەی گەڕایەوە دەرکەوت تووشی هیچ نەخۆشییەک نەبووە و پشکنیەکەی پاک دەرچووە، بەمەش ئێستا شاری كەركووك هیچ تووشبوویێکی بە تای خوێنبەربوون لێ نەماوە و لە نەخۆشییەكە پاكبووەتەوە.
زانیاریی زیاتر: فەرمانگەی تەندروستیی كەركووك داوا لە هاوڵاتییان دەكات پابەندی ڕێنماییەکانی خۆپارێزی و هۆشیاری بن، پشت بە سەرچاوەی باوەڕپێکراو و فەرمی ببەستن بۆ وەرگرتنی زانیاری، هەروەها دووربكەونەوە لەو سۆشیال میدیا و دەزگا ڕاگەیاندنانەی کە هەواڵی نادروست بڵاودەکەنەوە.
باكگراوند: تای خوێنبەربوون نەخۆشییەکی ڤایرۆسییە و لە ئاژەڵەوە بۆ مرۆڤ دەگوازرێتەوە، نیشانەکانی نەخۆشییەکە بریتین لە بەرزبوونەوەی پلەی گەرمیی جەستە، سەرئێشە و خوێنبەربوونی ژێر پێست، بە نەخۆشییەكی كوشندە هەژماردەكرێت و تا ئێستا چەندین کەسیش بەو نەخۆشییە گیانیان لەدەستداوە.
زیاتر لەسەر ئەم بابەتانە بکۆڵەرەوە
دوایین هەواڵەکان
- کوردستان
- 11 خولەک لەمەوپێش
تورکیا وادەی کۆتاییهاتنی ئۆپەراسیۆنەکانی بۆ سەر پەکەکە ڕاگەیاند
- کولتوور
- 16 خولەک لەمەوپێش
خانمە هونەرمەند عیدە شنگالی "شەڤا منێ" بڵاودەکاتەوە
- ڕۆژهەڵاتی ناوەڕاست
- 1 کاتژمێر لەمەوپێش
ترەمپ گەیشتە ئیمارات
- هەواڵ
- 1 کاتژمێر لەمەوپێش
سەرۆک بارزانی لەبارەی هەڵبژاردنی عێراقەوە پێشنیازێک دەکات
هەڵبژاردەکان بۆ تۆ
سعودییە پڕۆژەیەکی گەورەی وەبەرهێنان لە ژیری دەستکرد ڕادەگەیێنێت
12 ئایار
حکومەتی تاڵیبان یاریی شەترەنج قەدەغە دەکات
11 ئایار
حەوت لایەنی سیاسی لە کوردستان دەیانەوێت بە یەک لیست بەشداریی هەڵبژاردن بکەن
10 ئایار
ڕاگواستنی حیزبەکانی ڕۆژهەڵاتی کوردستان لە سلێمانی دەستیپێکرد
10 ئایار
لەنێوان ئیتاڵیا و یۆنان 43 کۆچبەری کورد ڕزگارکران
10 ئایار
- تەندروستی
- 16 کاتژمێر لەمەوپێش
لە نەجەف کارەساتێکی ژینگەیی بەڕێوەیە
- تەندروستی
- 17 کاتژمێر لەمەوپێش
لە زاخۆ بەهۆی هەڵەیەکی پزیشکی نەخۆشێک 14 ڕۆژە بێهۆشە
- تەندروستی
- 21 کاتژمێر لەمەوپێش
دوو تووشبووی تای خوێنبەروون لە مووسڵ نەخۆشخانە جێدەهێڵن