پاکستان و هیندستان: پابەندی ئاگربەستین و جەنگ کۆتایی هاتووە

ئاڤا نیوز

 

پاکستان و هیندستان جەخت لەسەر پابەندبوون بە ئاگربەستەوە دەکەن و هەردوولا ڕایدەگەیەنن کە جەنگ کۆتایی هاتووە.

 

وێنە گەورەکە: پاکستان و هیندستان، 18 ڕۆژی پڕ لە گرژی و پێکدادان و ڕووبەڕووبوونەوەیان بەڕێکرد، هەردوو دەوڵەتی خاوەن چەکی ئەتۆمین بەرەو جەنگێکی وێرانکەر هەنگاویان دەنا، بەڵام لە کۆتاییدا دۆناڵد ترەمپ، سەرۆکی ئەمریکا پێش سەردانەکەی بۆ ڕۆژهەڵاتی ناوڕاست کۆتایی بە گرژییەکان هێنا و هەردوو دەوڵەت ئاگربەستیان ڕاگەیاند.

 

بڵاوکراوەی فەرمی: هەریەک لە وەزارەتەکانی دەرەوەی هیندستان و پاکستان ئەمڕۆ یەک شەممە دووبارە پابەندبوونی یەکتریان بە ئاگربەستەوە پشتڕاستکردۆتەوە، وەزارەتی دەرەوەی هیندستان ئاماژەی بەوەداوە کە لە کاتژمێر 11ی شەوی ڕابردووەوە هەموو هێرشەکان ڕاگیراون و پاکستان پابەند بووە بە ئاگربەست و ژیانی ئاسایی لە هەرێمی کشمیر دەستی پێکردووەتەوە.

 

ئەوەی پێویستە بیزانیت:  هەردوو وڵات، لە ماوەی 18 ڕۆژی شەڕدا زەرەر و زیانی گەورەیان بەرکەوت بەڵام هەموو میدیاکانی جیهان سەرنجیان لەسەر تێكشکاندنی سیستەمی بەرگری ئاسمانی ئێس 400 لە لەلایەن پاکستانەوە، کە بووە هۆی زەرەرێکی گەورە بۆ هیندستان و بەهاکەی ملیارێک و 500 ملیۆن دۆلارە.