بەرپرسانی حەماس و حووسییەكان كۆدەبنەوە

ئاڤا نیوز

حەماس و حوسییەکان دەیانەوێت هەماهەنگی لەنێوانیان دروست بکەن، بۆ ئەو مەبەستەش هەفتەی ڕابردوو ژمارەیەک لە بەرپرسانیان کۆبوونەتەوە.

وێنە گەورەکە: ژمارەیەک لە بەرپرسانی باڵای بزووتنەوەی حەماسی فەڵەستینی و  حووسییەکانی یەمەن کۆبوونەوەیەکیان کردووە. کۆبوونەوەکە هەفتەی ڕابردوو کراوە و بە مەبەستی دروستکردنی هەماهەنگی بووە لە چالاکییەکانیان لە دژی ئیسرائیل. ئەوان هەروەها باسیان لە هەنگاوە هاوبەشەکانی دواتریان کردووە. 

زانیاریی زیاتر: حووسییەکان لەگەڵ جیهادی ئیسلامی و بەرەی گەلی مارکسیستی بۆ ڕزگاری فەڵەستینيش کۆبوونەتەوە. 

ئەمەش بزانە: حەماس و حووسییەکان، هەروەها حیزبوڵڵای لوبنانیش، لەو گرووپانەن کە لەلایەن ئێرانەوە پاڵپشتی دەکرێن و بە "تەوەری بەرگری" ناو دەبرێن. ئەوان دژایەتی ئیسرائیل و ئەمریکا دەکەن. 

باکگراوند: حوسییەکانی یەمەن بۆ پاڵپشتی حەماس و لە دژی هێرشی ئیسرائیل بۆ سەر غەززە، هێرش دەکەنە سەر کەشتییە بازرگانییەکانی دەریای سوور و تائێستاش زیاتر لە 70 هێرشیان کردووە.