لە شەش مانگدا 563 ڕووداوی ئاگرکەوتنەوە لە هەولێر تۆمار کراوە

ئاڤا نیوز

 

بەڕێوەبەرایەتیی بەرگریی شارستانیی هەولێر ئاماری ڕووداوی ئاگرکەوتنەوەکانی شەش مانگی یەکەمی ئەمساڵ بڵاوکردەوە. بە جۆرێک لە سەرەتای ئەمساڵەوە تائێستا، 563 ڕووداوی ئاگرکەوتنەوە لە سنووری هەولێر تۆمار کراون.

 

لێدوانی فەرمی: موقەدەم شاخەوان سەعید، وتەبێژی بەرگریی شارستانیی هەولێر بە ئاڤا میدیای ڕاگەیاند: لە سەرەتای ئەمساڵەوە تاوەکو ئێستا 563 ڕووداوی ئاگرکەوتنەوەی جۆراو جۆر لە هەولێر و دەوروبەری تۆمار کراون. بەڵام لە 4-6-2024،  ژمارەکە 748 ڕووداو بووە، ئەمەش پێمان دەڵێت کە ئەمساڵ ڕووداوەکانی ئاگرکەوتنەوە کەمترن.

 

زانیاریی زیاتر: بەڕێوەبەرایەتیی بەرگریی شارستانیی هەولێر داوا لە هاووڵاتیان دەکات، پابەندی ڕێنماییەکان بن، بۆ ئەوەی ڕووداوی ئاگرکەوتنەوە ڕوونەدات.

 

ژمارەکان وادەڵێن: ساڵی 2024 ژمارەی ڕووداوەکانی ئاگرکەوتنەوە دوو هەزار و 206 ڕووداوی جۆراوجۆر بووە، کە لەلایەن بەڕێوەبەرایەتیی بەرگریی شارستانیی هەولێرەوە تۆمارکراوە.