وەزیری دەرەوەی ئیسرائیل: ئیسرائیل بە کاتێکی دژوار و سەختدا تێدەپەڕێت

ئاڤا نیوز

وەزیری دەرەوەی ئیسرائیل قۆناغی ئێستای جەنگ لەگەڵ ئێران بە قۆناغێکی سەخت و دژوار ناوزەند دەکات. و دەڵێت، گەلی ئیسرائیل پشتیوانی لە جەنگەکە دەکات و بەردەوام دەبین.

وێنە گەورەکە: ماوەی شەش ڕۆژە جەنگی نێوان ئیسرائیل و ئێران دەستی پێکردووە و هێرشی هەردوولا بە چڕی بەردەوامی هەیە، سەرەڕای هەوڵە دیپلۆماسیەکان، بەڵام هەردوو دەوڵەت هەڕەشەی هێرشی تووندتر بۆ سەر پێگە سەربازییەکانی یەکتر دەکەن، لە ئێستاشدا هەریەک لە ئیسرائیل و ئەمریکا داوای چۆڵکردنی تاران دەکەن.

لێدوانی فەرمی: جەدعون ساعر، وەزیری دەرەوەی ئیسرائیل بە میدیاکانی ڕاگەیاند: بڕیاری جەنگ بڕیارێکی مێژوویی بوو، هەرچەند دەمانزانی توشی زەرەری گەورە دەبین و لە ئێستادا ڕوخاندنی ڕژێمی دەسەڵاتداری ئێران ئامانجی جەنگ نیە، بەڵام دەکرێت ئەنجامی جەنگەکە بێت، ئیسرائیل بە کاتێکی زۆر سەختدا تێدەپەڕێت بەڵام گەلی ئیسرائیل پشتیوانی لە جەنگەکە دەکات و بەردەوام دەبین.