ئیسرائیل: 40 هەزار هاووڵاتی بەهۆی جەنگەوە داوای قەرەبوو کردنەوە دەکەن

ئاڤا نیوز

بەهۆی جەنگی لەگەڵ ئێران، ئیسرائیل دەستیکردووە بە وەرگرتنی ئاماری زیانەکانی جەنگ و قەرەبووکردنەوەی زیانلێکەوتووان.

وێنە گەورەکە: ماوەی 12 ڕۆژ جەنگی نێوان ئیسرائیل و ئێران بەردەوام بوو، بەهۆیەوە زەرەر و زیانێکی زۆری گیانی و مادی بەر هەردوو وڵات کەوت، هاووڵاتیانی ئیسرائیلیش داوای قەرەبوو کردنەوە دەکەن.

زانیاری بەدەستهاتوو: حکومەتی ئیسرائیل ڕایگەیاندووە، لە ماوەی 12 ڕۆژی جەنگی ئیسرائیل لەگەڵ ئێران، 29 هاوڵاتی ئیسرائیلی کوژراون و زیاتر لە هەزار و 450 کەسی دیکەش بریندار بوون.

زانیاریی زیاتر: زیاتر لە 550 مووشەک و هەزار فڕۆکەی بێفڕۆکەوان لەلایەن ئێرانەوە ئاراستەی ئیسرائیل کراون، هەروەها بەهۆی وێرانبوونی خانووەکانیان زیاتر لە 15 هەزار و 500 کەس بێ ماڵ و حاڵ بوون.

لەلایەکی دیکەوە: وەزارەتی تەندروستی ئیسرائیل دەڵێت، بەهۆی ئەوەی زیانی مادی و دەروونیان بەرکەوتووە، زیاتر لە 40 کەس داوای قەرەبوویان کردووە.