ئەوروپا سزاکانی سەر ڕووسیا درێژ دەکاتەوە

ئاڤا نیوز

27 وڵاتی ئەندامی یەکێتیی ئەوروپا لەسەر درێژکردنەوەی سزاکانی یەکێتییەکە لە سەر ڕووسیا بۆ ماوەی شەش مانگی دیکە ڕێککەوتن.

وێنە گەورەکە: لە سەرەتای هەڵگیرسانی جەنگی ڕووسیا و ئۆکرانیاوە لە شوباتی 2022، یەکێتی ئەوروپا تا ئێستا 17 کۆمەڵە سزای دژ بە مۆسکۆ پەسەند کردووە کە هەر شەش مانگ جارێک بە کۆدەنگی 27 وڵاتی ئەندام نوێ دەکرێتەوە.

زانیاریی بەدەستهاتوو: بە گوێرەی بڕیارەکە، سزا بەرفراوانەکان لانیکەم تا سەرەتای ساڵی 2026 لە شوێنی خۆیان دەمێننەوە و یەکێک لە سزا سەرەکییەکان بریتییە لە سڕکردنی زیاتر لە 200 ملیار یۆرۆ (234 ملیار دۆلار) لە سامانی بانکی ناوەندی ڕووسیا.