حکومەتی عێراق بەهۆی کەمتەرخەمییەوە لێپرسینەوە لە کۆمپانیایەکی ئەڵمانی دەکات

ئاڤا نیوز

 

وەزارەتی بازرگانی ڕایگەیاند، لێکۆڵینەوە لە هۆکاری ڕووخانی بەشێكی سایلۆی شەتر دەستیپێکردووە و کۆمپانیای جێبەجێکار بانگهێشتکراوە. 

 

چیرۆکی سەرەکی: ڕۆژی چوارشەممەی ڕابردوو، کۆگاکانی سایلۆی شەترە لە شاری ناسڕییە (ناوەندی پارێزگای زیقاڕ) ڕووخا، بەم هۆیەشەوە بڕێکی زۆر گەنم کە لەنێو کۆگاکانی بڵاوبووەتەوە. 

 

لێدوانی فەرمی: محەممەد حەنوون، وتەبێژی وەزارەتی بازرگانی بە ئاژانسی هەواڵی عێراقی ڕاگەیاند: لیژنەیەکی لێکۆڵینەوە لەسەر ڕاسپاردەی وەزیری بازرگانی پێکهێنراوە و ئەو کۆمپانیا ئەڵمانییە کە پرۆژەکەی جێبەجێکردووە و ئەندازیارانی سایلۆکە بانگهێشتکراون.

 

زانیاریی زیاتر: سایلۆی شەترە لە ساڵی 2011وە لەلایەن کۆمپانیایەکی ئەڵمانییەوە دەستکراوە بە کارکردن تیایدا و لە ساڵی 2022 کارەکانی بە کۆتایی هاتووە، تێچووی پڕۆژەکە 12 ملیار دینار بووە و تاوانای هەیە 30 هەزار تۆن دانوێڵە هەڵبگرێت، بەڵام بە وتەی پەرلەمانتارێک ئەو پڕۆژەیە 27 ملیار دیناری بۆ خەرجکراوە.