ئەنجوومەنی ئاسایش بڕیارنامەیەک بۆ ئاگربەستی غەززە پەسەند دەکات

ئاڤا نیوز

 

دوای چوار جار لە شکستهێنان، ئەنجوومەنی ئاسایشی نەتەوە یەکگرتووەکان بڕیاری "ئاگربەستی غەززە"ـی پەسەند کرد و ئەمریکاش دەنگی نەدا. 

 

وێنە گەورەکە: لە کۆبوونەوەی ئەمڕۆی ئەنجوومەنی ئاسایش 14 ئەندامی ئەنجوومەنەکە دەنگیان بە بەڵێ دا و ئەمریکا کە جاری پێشوو بۆ ڕێگریکردن لە بڕیارەکە ڤیتۆی بەکارهێنا، ئەمجارە خۆی لە دەنگدان بەدوور گرت.

 

ڕێککەوتنەکە بەم جۆرەیە: لە بڕیارنامەکەدا "داوای دەستبەجێ ڕاگەیاندنی ئاگربەست" لە مانگی ڕەمەزاند کراوە و کە دوو هەفتەشی بەسەردا تێپەڕیوە، لەگەڵ "ئازادکردنی دەستبەجێ و بێ مەرجی هەموو بارمتەکان".

 

ئەوەی پێویستە بیزانیت: ئەمریکا ڤیتۆی ئەو بڕیارنامەیەی نەکرد و خۆی لە دەنگدان بەدوور گرت، ئەمەش بووە یەکەم بڕیارنامەی ئاگربەست کە ئەنجوومەنەکە دوای چوار شکستی پێشووتر پەسەندی کرد.

 

باکگراوند: لە حەوتی ئۆکتۆبەرەوە شەڕ لە غەززە دەستیپێکردووە و تاوەکو ئێستاش بەردەوامە؛ بەهۆی هێرشە بەردەوامەکانی ئیسرائیل بۆ ئەو کەرتە زیاتر لە 32 هەزار کەس گیانیان لەدەستداوە.