حەوت کەس بەتۆمەتی كوشتنی سەرۆكی ئۆپۆزیسیۆنی تونس سزادران

ئاڤا نیوز

بەتۆمەتی كوشتنی سەرۆكی ئۆپۆزیسیۆنی پێشووی تونس، دوای 11 ساڵ حەوت کەس سزادران.

چیرۆكی سەرەكی: ڕۆژی 6-2-2013 شوكری بلعید، سەرۆكی ئۆپۆزیسیۆنی تونس لەبەردەم ماڵەكەیدا لەلایەن چەند چەكدارێكەوە كوژرا، ئەمەش ناڕەزایی و خۆپیشاندانی لێكەوتەوە، هەروەها پۆلیس چەند کەسێکی بەتۆمەتی كوشتنەكە دەستگیر كرد.

ڕاگەیێنراوی فەرمی: دەسەڵاتی دادوەریی تونس ئەمڕۆ چوارشەممە ڕایگەیاند:  چوار كەس سزای لەسێدارەدان، دوو كەس سزای زیندانی هەتاهەتایی و كەسێكیش سزای 120 ساڵ زیندانی بەسەردا سەپێنرا، پێنج تۆمەتباریش بێتاوان دەرچوون و ئازادكران.

باگگراوند: شوكری بلعید كەسایەتییەكی سیاسیی دیاری تونس بوو، بە كەسێكی بوێر و ئازا ناسرابوو و لایەنگرێکی زۆری هەبوو، كاتێك كوژرا ملیۆنان کەس بەشدارییان لە ڕێوڕەسی بەخاکسپاردنی كرد.