فاینانشاڵ تایمز: لووتکەی ئەلاسکا سیاسەتی ئەمریکا بەرامبەر بە ئۆکراینا دەگۆڕێت

ئاڤا نیوز

ڕۆژنامەی فاینانشاڵ تایمزی ئەمریکی، لە زاری بەڕێوەبەری پێشووی کاروباری ڕووسیا و ئاسیای ناوەڕاست لە ئەنجوومەنی ئاسایشی نیشتمانیی ئەمریکا ڕایگەیاندووە، لووتکەی ئەلاسکا ڕەنگدانەوەی گۆڕانکارییە لە سیاسەتی ئەمریکا بەرامبەر بە ئۆکراینا.

وێنە گەورەکە: ڕۆژی هەینی 15-8-2025، کۆوبوونەوەی لووتکەی نێوان سەرۆکی ئەمریکا و سەرۆکی ڕووسیا بە یاوەری شاندی باڵای هەردوو وڵات بەڕێوەچوو لە دوای کۆبوونەوەکەش هەردوو لایەن ئەنجامی کۆبوونەوەکەیان بە ئەرێنی و بەرهەمدار وەسف کرد.

زانیاریی بەدەستهاتوو: ئێریک گرین، بەڕێوەبەری پێشووی کاروباری ڕووسیا و ئاسیای ناوەڕاست لە ئەنجومەنی ئاسایشی نیشتمانی ئەمریکا بە ڕۆژنامەی فاینانشیاڵ تایمز  ڕایگەیاند: لە سەردەمی ترەمپدا گۆڕانکاری بەرچاو لە سیاسەتی ئەمریکا بەرامبەر بە ئۆکراینا دیار دەبێت، ئەمەش بەهۆی لووتکەی ئەلاسکا و لاوازبوونی دیدگا و هەڵوێستەکانی ئۆکرایناوەیە. 

پەیوەست بەم بابەتەوە: ڕۆژی پێنجشەممە و بەرەلەوەی کۆبوونەوەی هەردوو سەرکردەی ڕووسیا و ئەمریکا بەڕێوەبچێت، دۆناڵد ترەمپ، سەرۆکی ئەمریکا ڕایگەیاند: هیوادارم لووتکەکە ببێتە هۆی کۆبوونەوەی دووەم کە زێلێنسکی لەخۆ بگرێت.