سەرۆک بارزانی: سەید کاکە تەمەنی خۆی بۆ خەبات و تێكۆشان لەپێناو مافە ڕەواكانی گەلەكەمان تەرخان كرد

ئاڤا نیوز

بەبۆنەی کۆچی دوای تێکۆشەر و نیشتیمانپەروەری کوردستان سەید کاکە، سەرۆک بارزانی پەیامێکی هاوخەمی بڵاو دەکاتەوە.

پەیامی فەرمی: سەرۆک بارزانی لە پەیامێکدا ڕایگەیاند، بەداخێكی زۆرەوە هەواڵی كۆچی دوایی خەباتگێڕ و تێكۆشەری گەلەكەمان كاك (سەید كاكە)ـمان پێ گەیشت، سەید كاكە پێشمەرگە و نیشتیمانپەروەری ماندوونەناس و ئەندامی پێشووی پەرلەمان و كۆمیتەی ناوەندیی پارتی و هەڵگری میدالیای بارزانی، یەكێك بوو لە كەسایەتییە ناسراو و شۆڕشگێڕەكانی كوردستان كە تەمەنی خۆی بۆ خەبات و تێكۆشان لەپێناو مافە ڕەواكانی گەلەكەمان تەرخان كرد، ڕۆڵ و ئەركی خۆی لە هەموو قۆناغەكاندا بە دڵسۆزانە و شایستەیی گێڕاوە.

زانیاریی زیاتر: لە پەیامەکەی سەرۆک بارزانیدا هاتووە، پرسە و سەرەخۆشیی خۆمان ئاراستەی خانەوادە و كەسوكار و دۆست و ئاشنایانی سەید كاكە و هەموو تێكۆشەر و خەباتگێڕانی كوردستان دەكەم و خۆم بە هاوبەشی خەمیان دەزانم، لە خودای گەورە داواكارم ڕۆحی خوالێخۆشبوو سەید كاكە بە بەهەشتی بەرین شاد بكات و سەبر و ئارامی بە هەموو لایەك ببەخشێت.