کورسی خۆرایی خوێندن بۆ ڕۆژنامەنووسان ڕادەگەیێنرێت

ئاڤا نیوز

بەشی تەکنیکی میدیا لە پەیمانگەی تەکنیکی کارگێڕی هەولێر، هەلێکی نوێی خوێندن بۆ ڕۆژنامەنووسان و ڕاگەیاندنکاران دەڕەخسێنێت و ژمارەیەک کورسی خوێندنی بەیانیان بەشێوەی کێبڕکێ و بەخۆڕایی بۆیان تەرخان دەکات.

ڕاگەیێنراوی فەرمی: بەشی تەکنیکی میدیا لە ڕاگەیێنراوێکدا دەڵێت، ئەو ڕۆژنامەنووس و ڕاگەیاندنکارانەی خوازیارن درێژە بە خوێندنی ئەکادیمی بدەن لە بواری میدیادا، دەتوانن لە ڕۆژی یەکشەممە، ڕێکەوتی 25ـی ئابی 2025، سەردانی بەشی تەکنیکی میدیا بکەن لە پەیمانگەی تەکنیکی کارگێڕی هەولێر.

زانیاریی زیاتر: پرۆسەی پێشکەشکردن بۆ ماوەی هەفتەیەک بەردەوام دەبێت و داواکاران دەتوانن فۆرمی تایبەت وەربگرن. دوایین وادە بۆ گەڕانەوەی فۆرم و پێشکەشکردنی داواکارییەکان، ڕۆژی پێنجشەممە، ڕێکەوتی 29ـی ئابی 2025، دەبێت.

ئەم هەنگاوە لە چوارچێوەی گرنگیدان بە پەرەپێدانی توانای پیشەیی میدیاکاران و پێگەیاندنی کادری لێهاتوو لە بواری تەکنیکەکانی میدیادا دێت.