ڕۆبیۆ: لەگەڵ ڕووسیا ڕێگایەکی دوور و درێژمان لە بەردەمدایە

ئاڤا نیوز

وەزیری دەرەوەی ئەمریکا دوای لووتکەی ئەلاسکا ڕایگەیاند، ڕێگایەکی دوور و درێژ لە بەردەم واشنتن و مۆسکۆ هەیە.

وێنە گەورەکە: ڕۆژی هەینی 15-8-2025، کۆوبوونەوەی لووتکەی نێوان سەرۆکی ئەمریکا و سەرۆکی ڕووسیا بە یاوەری شاندی باڵای هەردوو وڵات بەڕێوەچوو لە دوای کۆبوونەوەکەش هەردوو لایەن ئەنجامی کۆبوونەوەکەیان بە ئەرێنی و بەرهەمدار وەسف کرد بەبێ ئەوەی وردەکاری لە بارەی ناوەڕۆکی کۆبوونەوەکە ئاشکرا بکرێت.

لێدوانی فەرمی: مارکۆ ڕۆبیۆ، وەزیری دەرەوەی ئەمریکا ڕایگەیاند:  کۆبوونەوەمان لەگەڵ ڕووسیا بۆ  کۆتایی هێنان بە شەری ئۆکراینا و دەستەبەرکردنی ئاشت بوو، هاوکات گوتی  لەگەڵ ڕووسیا ڕێگایەکی دوور و  درێژمان لە بەردەم دایە، بەڵام بەهۆی کۆبوونەوەی لووتکەی ئەلاسکا بەرەو پێشچوونی بەرچاو لە نێوان واشنتن و مۆسکۆ هەیە.

ئەوەی لەبارەیەوە دەگوترێت:  بڕیارە هەر لەسەر هەمان پرس جارێکی دیکە، دۆناڵد ترەمپ، سەرۆکی ئەمریکا و ڤلادیمێر پووتین هاوتا ڕووسییەکەی لە مۆسکۆ کۆببنەوە، بەڵام تاوەکو ئێستا وادەی دیدارەکە دیاری نەکراوە.