عێراق بڕیاری خەرجکردنی مووچەی مانگی شەشی فەرمانبەرانی کوردستانی دا

ئاڤا نیوز

ئەنجوومەنی وەزیرانی عێراق بە كۆی دەنگ بڕیاری لە خەرجكردنی  مووچەی مانگی شەشی فەرمانبەرانی هەرێمی کوردستان دا.

زانیاریی تایبەت: سەرچاوەیەكی باڵا لە ئەنجوومەنی وەزیرانی عێراق تایبەت بە ئاڤای ڕاگەیاند، كەمێك پێش ئێستا ئەنجوومەنی وەزیرانی عێراق بە كۆی دەنگ بڕیاری خەرجكردنی مووچەی مانگی شەشی فەرمانبەرانی هەرێمی كوردستانی دا.

سەرچاوەكە ڕوونیشی كردەوە، بڕیارەكەی ئەنجوومەنی وەزیرانی عێراق بە مەرجە.

زانیاریی پەیامنێر: دەروون مەلا ناجی، پەیامنێری ئاڤا ڕایگەیاند، مەرجەکەی ئەنجوومەنی وەزیرانی عێراق بۆ ناردنی مووچەی مانگی شەش، پەیوەندی بە داهاتی نانەوتییەوە هەیە.

زانیاریی زیاتر: حکومەتی عێراق دوو مەرجی دیکەی هەیە بۆ ناردنی مووچەی ئەم مانگە، ئەمانەن:

- پرسی هەناردکردنەوەی نەوتی هەرێمی کوردستان کە ئێستا تەواو بووە و ڕێککەوتنی لەسەر کراوە.

- تەوتین، مانگی داهاتوو گفتوگۆی لەسەر دەکرێت.