سۆسیال دیموکرات داوا لە پارتی و یەکێتی دەکات هەڵوێستەکانیان لەبارەی هەڵبژاردن یەکبخەن

ئاڤا نیوز

پارتی سۆسیال دیموکراتی کوردستان داوا لە پارتی و یەکێتی دەکات هەڵوێستەکانیان لەبارەی هەڵبژاردن یەکبخەن و پێیوایە بە کشانەوەی پارتی پرۆسەی هەڵبژاردن شکست دەهێنێت.

وێنە گەورەکە: دوای جەختکردنەوەی سەرۆک بارزانی لەبارەی تێبینییەکانی پارتی لەمەڕ پرۆسەی هەڵبژاردن کە ڕایگەیاند بە دەستوەردانی نایاسایی و ئەجێندای دەرەکی و  بێ بەشداریکردنی پێكهاتەكان ناكرێت، تاوەکو ئێستا حەوت لایەنی سیاسی لەڕێگەی ئاڤا نیوزەوە هەڵوێستی خۆیان  دەربڕیوە و  پێیانوایە "بێ بەشداریکردنی پارتی پرۆسەکە شکست دەهێنێت".

لێدوانی فەرمی:  د.فەرهاد تۆفیق، گوتەبێژی پارتی سۆسیال دیموکرات بە ئاڤا نیوزی گوت: "بەپێویستی دەزانین پارتی و یەکێتی لەبارەی پرۆسەی هەڵبژاردن هەڵوێستەکانیان یەکبخەن بەمەبەستی بەشداریکردنی هەموو لایەن و پێکهاتەکان".

ئەوەی پێویستە بیزانیت: پارتی سۆسیال دیموکرات لەگەڵ حیزبی شیوعی کوردستان و حیزبی زەحمەتکێشانی کوردستان هاوپەیمانێتییەکان بە ناوی "هاوپەیمانیی هەرێمی کوردستان" پێکهێناوە و تاوەکو ئێستا لە دوو بازنە ناوی بەربژێرەکانیان پێشکەشی کۆمیسیۆن کردووە.