وڵاتێكی ئەفریقی بە فیل هەڕەشە لە ئەڵمانیا دەكات

ئاڤا نیوز

بەهۆی ناکۆکیيەکانیان لەسەر مافی ئاژەڵان، وڵاتێکی ئەفریقی هەڕەشەی ڕەوانەکردنی 20 هەزار فیل بۆ ئەڵمانیا دەکات. 

چیرۆکی سەرەکی: حکومەتی ئەڵمانیا لەسەر مافی ئاژەڵان و کوشتنیان و بەکارهێنانیان وەک کەرەستەی جوانکاری ڕەخنەی تووندی لە بەرپرسانی وڵاتی بۆتسوانا-ی ئەفریقا گرتووە و بڕیاری داوە ڕێگە لەهاوردەکردنی هەموو ئەو کەرەستانە بکات کە لە پێستی ئاژەڵ دروستکراون. 

بۆچوونی لایەنی بەرامبەر: لەسەر بڕیارەکەی حکومەتی بەرلین، لێپرسراوانی بۆتسوانا هەڕەشەی ڕەوانەکردنی 20 هەزار فیل بۆ ئەڵمانیا دەکەن، چونکە بە بۆچوونی ئەوان فیل و ئاژەڵەکان لەوڵاتەکەیاندا بەشێوەیەکی بەرچاو زیادیانکردووە و مەترسین لەسەر دانیشتووان و ئاودێری و زەوییە کشتوکاڵییەکان، ئەوەش وەک پاساوێک دەهێننەوە بۆ بەردەوامی ڕاوکردنیان.

ژمارەکان وا دەڵێن: فیلەکانی بۆتسوانا بە 130 هەزار سەر مەزەندە دەکرێن، بۆکەمکردنەوەیان لێپرسراوانی ئەو وڵاتە هەشت هەزار فیلیان بەئەنگۆلا و 500 ی دیکەیان بە مۆزەمبیق بەخشیوە.

باکگراوند: بۆتسوانا مانگی ڕابردوو هاوشێوەی ئەڵمانیا، هەڕەشەی رەوانەکردنی 10 هەزار فیلی لەبەریتانیاش کردبوو.