ماکرۆن: دەمانتوانی ڕێ لە جینۆسایدی ڕواندا بگرین بەڵام نەمانویست

ئاڤا نيوز

فەڕەنسا دان بەوەدا دەنێت کە لە ڕێگریکردن لە ڕوودانی کوشتاری توتسییەکانی ڕوواندا کەمتەرخەم بووە،  سەرۆكی فەڕەنسا دەڵێت " فەڕەنسا و هاوپەیمانەکانی نەیانویستووە کوشتارەکە ڕابگرن". 

وێنە گەورەكە: سەرۆکی فەڕەنسا لەو باوەڕەدایە کە وڵاتەكەی و هاوپەیمانە ڕۆژئاوایی و ئەفریقییەکانی دەیانتوانی ڕێ لە جینۆسایدی ساڵی 1990 بۆ 1994ی ڕواندا بگرن، بەڵام نەیانویستووە ئەو کوشتارە ڕابگرن کە بە هۆیەوە نزیکەی 800 هەزار کەس لە نەتەوەی توتسی کوژران. 

زانیاریی زیاتر: ڕۆژی شەممە، 30 یەمین ساڵیادی جینۆسایدی ڕواندایە؛ لەو ڕۆژەدا ئیمانوێل ماکرۆن سەرۆكی فەڕەنسا پەیامێکی ڤیدیۆیی بڵاو دەکاتەوە و چاوەڕێ دەکرێت زانیاریی نوێ لە بارەی ڕووداوەکەوە ئاشکرا بکات. 

باکگراوند: ماکرۆن ساڵی 2021 لە سەردانێکیدا بۆ ڕواندا دانی بەوەدا نا کە فەڕەنسا بەشێک لە بەرپرسیارێتیی ڕوودانی جینۆسایدەکەی دەکەوێتە ئەستۆ.