ئیسرائیل: ئەردۆغان وڵاتەكەی دەكاتە قوربانیی غەززە

ئاڤا نیوز

 

لە وەڵامی سزا ئابوورییەکانی تورکیا، وەزیری دەرەوەی ئیسرائیل ڕایدەگەیێنێت، ئەردۆغان وڵاتەكەی دەكاتە قوربانی غەززە و ئابوورییەکەی وێران دەکات.

 

وێنە گەورەكە: دوێنێ حكومەتی توركیا هاوردەکردنی نزیكەی 50 ماددەی لە ئیسرائیلەوە ڕاگرت، ئەمەش وەک پشتیوانییەک بۆ غەززە و دەڵێت تا ئاگربەست ڕانەگەیێنرێت بازرگانی لەگەڵدا ناكاتەوە، ئیسرائیلیش ئەم هەنگاوە بە "مەترسی و وێرانکردنی کەرتی ئابووری تورکیا" دادەنێت.

 

لێدوانی فەرمی: ئیسرائیل كاتیس، وەزیری دەرەوەی ئیسرائیل دەڵێت: "ئەردۆغان وڵاتەكەی دەكاتە قوربانی پشتیوانیكردنی غەززە و ئابوورییەكەی بەم كارە خراپتر دەبێت”.

 

باکگراوند: توركیا پۆڵا و ئاسن و بەنزینی فڕۆكە و چەندین ماددەی دیكە لە ئیسرائیل هاوردە دەکات و قەبارەی ئاڵوگۆڕی بازرگانی نێوانیان ساڵانە ملیاران دۆلارە.