هەنيیە: کوژرانی ڕۆڵەکانم کاریگەری لەسەر داواکارییەکانی حەماس نابێت

ئاڤا نیوز

 

بەرپرسی مەکتەبی سیاسیی بزووتنەوەی حەماس ڕایدەگەیێنێت، کوژرانی ئەندامانی خێزانەکەی کاریگەری لەسەر داواکارییەکانی بزووتنەوەکە نابێت.

 

وێنە گەورەیە: سەرەڕای هەوڵە نێودەوڵەتییەکان بۆ ڕاگەیاندنی ئاگربەست لە نێوان سوپای ئیسرائیل و بزووتنەوەی حەماس، لە یەکەم ڕۆژی جەژنی ڕەمەزاندا ئیسرائیل لەڕێگەی هێرشێکی ئاسمانییەوە حەوت ئەندامی سەرۆکی بزووتنەوەکەی کردە ئامانج.

 

لێدوانی فەرمی: ئیسماعیل هەنیە، بەرپرسی مەکتەبی سیاسیی بزووتنەوەی حەماس ڕایگەیاند: "داواکارییەکانمان ڕوونن و سازشیان لەسەر ناکەین، دوژمن خەیاڵی خاوە ئەگەر پێیوابێت بە ئامانجگرتنی منداڵەکانم لە لووتکەی دانوستانەکاندا دەبێتە هۆی ئەوەی بزووتنەوەکە هەڵوێستی خۆی بگۆڕێت".

 

ئەوەی پێویستە بیزانیت: داواکارییەکانی حەماس بریتیین لە "ئاگربەستی هەمیشەیی، کشانەوەی تەواوەتی هێزەکانی ئیسرائیل و گەڕانەوەی دیپۆرتکراوان بۆ باکووری کەرتی غەززە بەبێ سنووردارکردن". 

 

لەلایەکی دیکەوە: بنیامین ناتانیاهۆ، سەرۆکوەزیرانی ئیسرائیل پێداگری دەکات لەسەر بەردەوامبوونی ئۆپەراسیۆنە سەربازییەکان لە کەرتی غەززە تا "لەناوبردن"ـی حەماس و گەڕانەوەی بارمتەکانیان.