پەیوەندییەکانی هەولێر و بەغدا پرسێکی نێو کۆبوونەوەی بایدن و سوودانییە

ئاڤا نیوز

 

سەرۆکوەزیرانی عێراق لەگەڵ سەرۆکی ئەمریکا لە کۆشکی سپی کۆدەبێتەوە. پێشهاتەکانی ئەم دواییەی ناوچەکە، پەیوەندییەکانی هەردوو وڵات و چارەسەری بنەڕەتیی کێشەکانی نێوان هەولێر و بەغدا بابەتەکانی سەر مێزی کۆبوونەوەن.

 

وێنە گەورەکە: ئەمڕۆ 15-04-2024، محەممەد شیاع سوودانی، سەرۆکوەزیرانی عێراق، لەگەڵ جۆ بایدن، سەرۆکی ئەمریکا، کاتژمێر(12:00 بە کاتی واشنتن) و (19:00 بە کاتی هەولێر) لە کۆشکی سپی کۆدەبێتەوە.

 

ڕاگەیێنراوی فەرمی: سوودانی پرسی چارەنووسی هێزەکانی ئەمریکا، پەیوەندییەکانی نێوان هەولێر و بەغدا، بەئامانجگرتنی ‌هێزەکانی ئەمریکا و هاوپەیمانان لە لایەن هێزە چەکدارەکان لەگەڵ بایدن تاوتوێ دەکات.

 

ئەوەی پێویستە بیزانیت: پێش سەردانەکەی سوودانی، لە رۆژی 25-02-2024، سەرۆکوەزیران بارزانی سەردانی ئەمریکای کرد و لەگەڵ بەرپرسە باڵاکانی ئەو وڵاتە کۆبووەوە و ئیدارەی بایدن پشتیوانیی خۆی بۆ حکومەتی هەرێمی کوردستان دەربڕی و دوای ئەو سەردانەی مەسرور بارزانی، ئەمریکا لە چەندین کەناڵەوە داوای چارەسەرکردنی کێشەکانی نێوان هەولێر و بەغدای کرد.