بەرپرسێکی ئێرانی: هیچ پلانێک نییە بۆ وەڵامدانەوەی دەستبەجێی ئیسرائیل

ئاڤا نیوز

بەرپرسێکی باڵای ئێران ڕایگەیاند، تاران هیچ پلانێکی نییە بۆ دەستبەجێ وەڵامدانەوەی ئیسرائیل، ئەمەش دوای بڵاوبوونەوەی هەواڵی هێرشێکی ئیسرائیل بۆ سەر ئەو وڵاتە.

وێنە گەورەکە: بەرەبەیانی ئەمڕۆ هەینی، میدیاکانی جیهان بڵاویانکردەوە: ئیسرائیل هێرشێکی بۆ سەر ئێران ئەنجامداوە و دەنگی چەند تەقینەوەیەک لە ئەسفەهان بیستراون و بەرپرسانی ئێرانیش ڕایانگەیاند هیچ زیانێک نەبووە.

لێدوانی فەرمی: ئەو بەرپرسە باڵایەی ئێران کە نەیویستووە ناوەکەی ئاشکرا بکرێت بە ڕۆیتەرزی گوتووە: ئێمە سەرچاوەی دەرەکی بەرپرسی ڕووداوەکەمان پشتڕاست نەکردوووتەوە، تووشی هیچ هێرشێکی دەرەکی نەبووین و باسەکە زیاتر مەیلی دزەکردنە نەک هێرش.

ئەوەی لەبارەیەوە دەگوترێت: ئیسرائیل له‌ هێرشێکی ئاسمانیدا بە درۆن له ‌ناو خاکی ئێرانەوە، وه‌ڵامی هێرشه‌ مووشه‌کیی و درۆنييه‌کانی ڕۆژی 14ی ئەم مانگەی ئێرانی دایەوە.

لە لایەکی دیکەوە: کیومەرس حەیدەری، فەرماندەی هێزی زەمینیی سوپای پاسداران ڕایگەیاند: "بەرگری لە خۆمان دەکەین، وەڵامی هەر هێرشێک دەدەینەوە کە بکرێتە سەر وڵاتەکەمان، هێزەکانمان لە ئاسمان، زەوی و دەریا ئامادەن".