لیژنەی ئۆڵیمپی: پێویستە ڕاهێنەری مەلەوانگەكان بڕوانامەی فەرمییان هەبێت

ئاڤا نیوز  

لقی هەولێری لیژنەی ئۆڵیمپیی كوردستان مەلەوانگەكان ناچار دەكات، "پێویستە ڕاهێنەرەكانیان بڕوانامەی فەرمییان هەبێت".

نووسراوی فەرمی: د. زەندی جەبار، سەرۆكی لقی هەولێری لیژنەی ئۆڵیمپیی كوردستان، لە نووسراوێكدا مەلەوانگەكان و سەنتەرەكانی سنووری پارێزگای هەولێری ئاگاداركردووەتەوە، "هیچ مەلەوانگەیەك ناتوانێت ڕاهێنەری بێ بڕوانامە بهێنێتە مەلەوانگەكانی، بەپێچەوانەوە سزا دەدرێن".

زانیاریی زیاتر: لە بڕیارەكەدا هاتووە "پێویستە ساڵانە بڕوانامەی ڕاهێنەرەكان نوێ بكرێتەوە، بەشێوەیەك بڕوانامەكەیان مۆری لقی هەولێری لیژنەی ئۆڵیمپی كوردستانی لەسەر بێت".

بۆچی گرنگە: ڕێنماییەكان لەپێناو سەلامەتیی گیانی هاووڵاتییانە لە مەلەوانگەكان.