وێستگەیەكی نوێی کارەبا لە کەلار لە 80% ی کارەکانی تەواو بووە

ئاڤا نیوز

وێستگەی کارەبای 132 کەیڤیی کەلار، 80لە % ی تەواو بووە و 18 ملیار و 132 ملیۆن دیناری تێدەچێت.

وێنە گەورەکە: وێستگەکانی بەرهەمهێنانی کارەبا لە هەرێمی کوردستان 15 وێستگەن و توانای کارکردنیان حەوت هەزار و 439 مێگاواتە.

لێدوانی فەرمی: ئومێد ئەحمەد، گوتەبێژی وەزارەتی کارەبا بە ئاڤا نیوزی ڕاگەیاند: پرۆژەی وێستگەی 132kvی کەلار لە ئایندەدا گرفتی زۆری وێستگەکان چارەسەر دەکات و دەتوانێت پێداویستی ناوچەکە لە لۆد و فیدەری نوێ بپارێزێت.

ژمارەکان وا دەڵێن: لە چوار ساڵی ڕابردوودا سێ وێستگەی کارەبا زیاد کراون، وێستگەی گازی تۆڕباینی 500 مێگاواتی، وێستگەکانی 29 مێگاواتی (هەولێر، سلێمانی و دهۆک)، وێستگەی 300 مێگاواتی هەڵمیی خەبات.

بۆچی گرنگە: لە ماوه‌ی پێنج ساڵی ڕابردوودا تێکڕای پێدانی کارەبا لە پارێزگا و ئیدارە سەربەخۆکانی هەرێمی کوردستان لە 15:33 خولەکەوە بەرز بووەتەوە بۆ 17:38 خولەک.