حەماس گرتەی ڤیدیۆیی یەکێک لە بارمتە ئیسرائیلییەکان بڵاودەکاتەوە

ئاڤا نیوز

حەماس گرتەی ڤیدیۆیی یەکێک لە بارمتە ئیسرائیلییەکان بڵاودەکاتەوە، بارمتەکە دەڵێت "نزیکەی 200 ڕۆژە دەستگیرکراوە و داوایەکیش لە سەرۆکوەزیرانی ئیسرائیل دەکات".

چیرۆکی سەرەکی: بارمتەکە هاووڵاتییەکی تەمەن 23 ساڵی ئیسرائیلی-ئەمریکییە بە ناوی هێرش گۆڵدبێرگ پۆلین، کە لە حەوتـی ئۆکتۆبەر لەلایەن حەماسەوە دەستبەسەر کراوە.

ئەوەی پێویستە بیزانیت: لە ڤیدیۆکەدا بارمتەکە دەڵێت:" نزیکەی 200 ڕۆژە دەستگیر کراوە و بەم پێیە بێت ڤیدیۆکە نوێیە، ئەو لە قسەکانیدا ڕەخنە لە بنیامین نەتانیاهۆی سەرۆکوەزیرانی ئیسرائیل و کابینەکەی دەگرێت بەوەی خوێنی بارمتەکانیان بەلاوە گرنگ نییە". 

زانیاریی زیاتر: حەماس لە ڕێگەی کەناڵی تێلێگرامەوە ئەم ڤیدیۆیەی بڵاو کردووەتەوە. 

باکگراوند: بە گوێرەی مەزەندەکانی ئیسرائیل 129 کەس لە 250 بارمتە ئیسرائیلییەکان هێشتا زیندوون.

 

وێنە گەورەكە: بارمتە ئیسرائیلییەكان كە لەلای حەماسن، بوونەتەهۆی زیادبوونی فشارەكان لەسەر حكومەتەكەی بنیامین نەتەنیاهۆ سەرۆكوەزیرانی ئیسرائیل و بەردەوام كەسوكاریان داوای ئازادكردنیان دەكەن.