ئیمارات: وانەمان لە لافاوەکە وەرگرت

ئاڤا نیوز

 

ئیمارات بڕی 544 ملیۆن دۆلاری بۆ کەمکردنەوەی زیانی لافاوەکان و قەرەبووکردنەوەی خەڵکی تەرخان کرد. 

 

لێدوانی فەرمی: شێخ محەممەد بن ڕاشد ئال مەکتووم، فەرمانڕەوای دوبەی و سەرۆکوەزیرانی ئیمارات ڕایگەیاند: "ئێمە ئەو وڵاتەین کە لە هەر ئەزموونێکەوە شتێک فێر دەبین، وانەی مەزنمان لەبارەی مامەڵەکردن لەگەڵ بارانبارینی تووند وەرگرت".

 

زانیاریی زیاتر: حکومەتی ئیمارەتی دوبەی و حکومەتی فیدراڵیی ئیمارات پێکەوە کار لەسەر قەرەبووکردنەوەکان دەکەن و دوو ملیار دەرهەمیش بۆ ئەو مەبەستە تەرخان کراوە.

 

باکگراوند: لافاوی هەفتەی ڕابردووی دوبەی لە ماوەی 75 ساڵی ڕابردوودا هاوشێوەی نەبووە کە بەهۆیەوە سێ کرێکاری فیلیپینی و هاووڵاتییەکی ئیماراتی گیانیان لەدەستدا.