توێژەران چەند ئامۆژگارییەک بۆ کەمکردنەوەی کابووسەکان دەخەنەڕوو

ئاڤا نیوز

زۆرێک لە مرۆڤەکان لە سەردەمی ئێستا بەدەست خراپی کوالێتی خەوەوە دەناڵێن، تەنانەت زۆرێکیان بەهۆی بینینی خەوی ناخۆش خەویان نەماوە، توێژینەوەیەک چەند ئامۆژگارییەک پێشنیاز دەکات کە دەتوانێت کاریگەریی ئەرێنی لەسەر جۆری خەو و کەمبوونەوەی کابووسەکان دروست بکات.

 

زانیاریی بەدەستهاتوو: توێژینەوەکە لەلایەن توێژەرانی کۆلێژی ئیمپریال لەندەن ئەنجامدراوە، تیایدا ئاشكرا کراوە، لە کاتی خەوتندا مێشك ناتوانێت جیاوازی لەنێوان خەون و واقیعدا بکات، بۆیە زۆرجار خەونەکان ڕەنگدانەوەی بابەتەکانی ژیانی ڕۆژانەی مرۆڤەکانە، لە ڕۆژەکەدا مرۆڤەکان ڕووبەڕووی چی ببنەوە ئەگەری زۆر هەیە لە شەو وەک خەون ڕووبەڕووی ببنەوە.

 

پێدراوە ڕاستەکان: شارەزایانی تەندروستی دەڵێن، بۆ کەمکردنەوەی کابوسەکان پێویستە ئەم ڕێگەیە ئەنجام بدەیت.

- دوورکەوتنەوە لە سەیرکردنی فیلمی ترسناک.
- دوورکەوتنەوە لە فشار و دڵەڕاوکێی.
-پاراستنی و جێبەجێکردنی ڕۆتینی خەوتن.
-کەمکردنەوەی بەکارهێنانی مۆبایل.