حیزبوڵڵای لوبنان و ئیسرائیل یەکدیان بۆردوومانکرد

ئاڤا نیوز

 

ئێوارەی ئەمڕۆ ئیسرائیل بە درۆن هێرشی كردە سەر چەند ناوچەیەك لە باشووری لوبنان و سێ كەس كوژران، حیزبوڵڵا لە تۆڵەی هێرشەكەدا باشووری ئیسرائیلی بۆردوومانكرد.

 

وێنە گەورەكە: سێ كەس لە هێرشەكەی ئەم ئێوارەیەی ئیسڕائیل بۆ سەر لوبنان گیانیان لەدەستدا، دوانیان ئەندامی حیزبوڵڵان. بۆ تۆڵەكردنەوەی هێرشەكە، باشووری ئیسرائیل لەلایەن گرووپەكەوە بەدەیان مووشەك كرایە ئامانج و تا ئێستا زیانەكان دیارنین.

 

ڕاگەیەنراوی فەرمی: حزبوڵڵا دەڵێت: مووشەكەكان ئاڕاستەی لیوای جۆلان و فەوجی 51ی لیواكە بووە لە ناوچەی ئەلمەنارە لە باشووری ئیسرائیل.

بۆچوونی لایەنی بەرامبەر: ئەفیغای ئەدرەعی، گوتەبێژی سوپای ئیسرائیل لەبارەی هێرشەکەیانەوە بۆ سەر حیزبوڵای لوبنان گوتی، "دوو چەكدار لە بۆردوومانەكاندا كوژران، بەدرۆن هێرشەكە كرا و ئەو ئامانجەی دەستنیشانكرابوو پێكراوە."