پێکهاتەی تورکمان: دواخستنی هەڵبژاردن هەنگاوێکی زۆر باش بوو

ئاڤا نیوز

توركمانەكان دواخستنی هەڵبژاردن بە هەنگاوێكی گرنگ ناودەبەن، ئەوان هاوشێوەی كریستیانەكان نووسراوێکی فەرمییان ئاراستەی سەرۆکی دادگەی فیدراڵی و سەرۆکایەتیی کۆماری عێراق کردووە، داوای گەڕاندنەوەی کورسیی کۆتاکانیان کردووە. 

 

لێدوانە فەرمییەکان: 

ئایدن مەعرووف، وەزیری هەرێم بۆ کاروباری پێکهاتەکان بە ئاڤا نیوزی ڕاگەیاند: دواخستنی هەڵبژاردن هەنگاوێکی زۆرباش بوو، لە بەرژەوەندیی هەرێمی کوردستانە، چونکە بێ پێکهاتەکان هەڵبژاردن ناکرێت".

موونا قەهوەچی، سکرتێری پێشووی پەرلەمانی کوردستان بە ئاڤا نیوزی گوت: ئەگەر ئێستا هەڵبژاردن بکرێت هیچ لایەنێک براوە نابێت، دەبێت مافی سەرجەم پێکهاتەکان پارێزراو بێت، گرنگە دوابخرێت.

وێنە گەورەكە: پارتی دیموکراتی کوردستان لە سەرەتای دەرچوونی بڕیاری دادگەی فیدراڵی و لابردنی 11 کورسیی کۆتاکان، ناڕەزایەتی دەربڕی و ڕایگەیاند "پشتیوانی مافی پێکهاتەکان دەکەین و بەبێ پێکهاتەکان ناچینە هەڵبژاردنەوە".

باکگراوند: ڕۆژی 21-02-2024 دادگەی فیدراڵی بڕیاری هەڵوەشاندنەوەی 11 کورسیی کۆتاکانی دا.