سوودانی: هێرشکردنە سەر دامەزراوە ئابوورییەکان کارێکی تیرۆریستییە

ئاڤا نیوز

فەرماندەی گشتیی هێزە چەکدارەکان و سەرۆکوەزیرانی عێراق ڕایدەگەیێنێت، هێرشکردنە سەر دامەزراوە ئابوورییەکان "کارێکی تیرۆریستییە" و دەبێت وەک تیرۆریزم مامەڵەی لەگەڵدا بکرێت.

 

چیرۆکی سەرەکی: درەنگانی شەوی ڕابردوو محەممەد شیاع سوودانی، سەرۆکوەزیرانی عێراق سەردانی وەزارەتی ناوخۆی لە بەغدا کرد و بە ئامادەبوونی عەبدولئەمیر شەممەری، وەزیری ناوخۆ لەگەڵ ژمارەیەک لە فەرماندە ئەمنییەکان کۆبووەوە.

 

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق ڕایگەیاند: "لە کۆبوونەوەکە سوودانی جەختی لەوە کردووەتەوە پێویستە ڕێوشوێنە ئەمنییەکان خێرا و کاریگەر بن لە دۆزینەوەی تاوانەکان، بە شێوەیەک کە هاوتەریب بێت لەگەڵ ئەو پاڵپشتییەی کە حکومەت پێشکەشی دەزگە ئەمنییەکانی دەکات".

 

ئەمەش بزانە: سوودانی پێیوایە، وەک چۆن مامەڵە لەگەڵ کارێکی تیرۆریستی دەکرێت، دەبێت بە هەمان شێوە مامەڵە لەگەڵ هێرشکردنە سەر دامەزراوە ئابوورییەکانیش بکرێت، پێویستە ڕێوشوێنە ئەمنییەکان بەجۆرێک بن کە پارێزگاری لە ڕەوتی پڕۆژەکانی گەشەپێدان بکەن.