ئۆکراینا بە ژیریی دەستکرد گوتەبێژێک بۆ وەزارەتی دەرەوە دروست دەکات

ئاڤا نیوز 

 

وەزارەتی دەرەوەی ئۆکراینا گوتەبێژی نوێی خۆی ڕاگەیاند کە ناوی 'ڤیکتۆریا شی'ـیە؛ ئەو کەسێکی دیجیتاڵییە و لە ڕێگەی ژیریی دەستکردەوە دروست کراوە. 

 

وێنە گەورەکە: لە یەکەمین دەرکەوتنیدا گوتەبێژە دیجیتاڵییەکەی وەزارەی دەرەوەی ئۆکراینا خۆی ناساند و ڕایگایەند لەمەودوا ئەو زانیاریی دەداتە ڕۆژنامەنووسان و هەروەها زانیاریی دیکە و دۆخە لەناکاوەکانیش ڕادەگەیێنێت. 

 

زانیاریی زیاتر: ناوی یەکەمی (ڤیکتۆریا) بە واتای سەرکەوتن دێت و لە درووشمی ئۆکرایناوە هاتووە کە لە شەڕی دژ بە ڕووسیا بەکاری دێنێت کە بریتییە لە 'سەرکەوتن بۆ ئۆکراینا'. ناوی دووەمیشی (شی) کورتکراوەی نوێی ئەو کۆمپانیا ئۆکراینییەیە کە دروستی کردووە، کە بریتییە لە (شتوچینی ئینتێلێکت -  shtuchniy intelekt).

 

ئەوەی پێویستە بیزانیت: شی دەبێتە یەکەمین گوتەبێژی دیجیتاڵی لە سەر ئاستی جیهان کە لەلایەن ژیریی دەستکردەوە دروست کرابێت.