دادگەی فیدراڵی بڕیارێک لەبارەی دواخستنی هەڵبژاردنی سەرۆکی پەرلەمان دەردەکات

ئاڤا نیوز

 

دادگەی فیدراڵیی عێراق بڕیارێک سەبارەت بە دواخستنی هەڵبژاردنی سەرۆکی ئەنجوومەنی نوێنەرانی عێراق دەردەکات و بڕیارەکە بە "نادروست" دەزانێت.

 

چیرۆکی سەرەکی: بڕیاربوو لە دایشتنی ڕۆژی 27-1-2024، ئەنجوومەنی نوێنەرانی عێراق هەڵبژاردن بۆ سەرۆکی ئەنجوومەنەکە بکات، لە سەرەتای کۆبوونەوەکە دەنگدان لەسەر دواخستنی هەڵبژاردنی سەرۆکی نوێی ئەنجوومەن کرا تا ئەوکاتەی ئەو داوایە یاساییانەی ئاراستەی دادگەی فیدراڵی کراون یەکلایی دەکرێنەوە.

 

ڕاگەیێنراوی فەرمی: دادگەی فیدراڵیی عێراق ڕایگەیاند: "بڕیاری دواخستنی دەنگدان بۆ هەڵبژاردنی سەرۆکی ئەنجوومەنی نوێنەران لە دانیشتنی دووەمی ڕۆژی 27-1-2024 بڕیارێکی نادروست بووە".

 

باکگراوند: نزیکەی شەش مانگە ئەنجوومەنی نوێنەرانی عێراق بێ سەرۆکە، تاوەکو ئێستا چەندین دانیشتن کراوە بۆ هەڵبژاردنی سەرۆکێک، بەڵام بەهۆی ناکۆکی نێوان لایەنە سوننەکان و ناڕەزایەتیی لایەنە شیعەکان نەتوانراوە سەرۆکێک هەڵبژێردرێت.