پاپا داوا لە ئیتالییەکان دەکات منداڵی زیاتر بخەنەوە

ئاڤا نیوز

 

پاپا فڕانسیس، پاپای ڤاتیکان و ڕێبەری کاسۆلیکەکانی جیهان، داوا لە دانیشتوانی ئیتالیا دەکات ڕووبەڕووی کەمی ڕێژەی لەدایکبوون ببنەوە و منداڵی زیاتر بخەنەوە.

 

وێنە گەورەکە: ئیتالیا یەکێکە لەو وڵاتانەی کە ڕێژەی لەدایکبوون تیایدا نزمە و ماوەی 15 ساڵە ئەم ڕێژەیە بەردەوام لە دابەزیندایە، ساڵی ڕابردووش گەیشتە نزمترین ئاست کە تەنیا 379 هەزار منداڵ لەو وڵاتە لەدایک بوون. 

 

لێدوانی فەرمی: پاپا فڕانسیس داوای کرد سیاسەتی درێژخایەن بۆ زیادکردنی ژمارەی دانیشتوان لە ڕێگەی یارمەتیدانی خێزانەکانەوە بگیرێتە بەر و گوتی: "ژمارەی لەدایکبوونەکان یەکەمین نیشانەی بەهیوایی خەڵکە، بەبێ منداڵ و گەنج، وڵات ویستی خۆی بۆ ئایندە لەدەست دەدات". 

 

لە لایەکی دیکەوە: حکومەتی ئیتالیا کەمپەینێکی ڕاگەیاندووە و دەیەوێت تا ساڵی 2033، لانیکەم ساڵانە 500 هەزار منداڵ لەدایک ببن.