لە چارەکی یەکەمی ئەمساڵ زیاتر لە سێ هەزار ڕووداوی ئاگرکەوتنەوە لە عێراق تۆمارکراون

ئاڤا نیوز

 

بەڕێوەبەرایەتی بەرگریی شارستانی عێراق ڕایگەیاند، لە سێ مانگی یەکەمی ئەمساڵ زیاتر لە سێ هەزار ڕووداوی ئاگرکەوتنەوە لە عێراق تۆمارکراون و ئەم ئامارەش بەراورد بە دوو ساڵی ڕابردوو کەم بووەتەوە.

 

لێدوانی فەرمی: نوئاس سەباح شاکر، بەڕێوەبەری ڕاگەیاندنی بەرگریی شارستانی بە میدیا عێراقییەکانی ڕاگەیاندووە: ئەمساڵ ڕێژەی ڕووداوەکانی ئاگرکەوتنەوە بەراورد بە هەمان ماوەی دوو ساڵی ڕابردوو بە ڕێژەی 36% کەمبووەتەوە.

 

ژمارەکان وا دەڵێن: هەرچەندە ئەمساڵ زیاتر لە سێ هەزار ڕووداوی ئاگرکەوتنەوە ڕوویانداوە،  بەڵام بەراورد بە هەمان ماوەی ساڵی رابردوو ڕێژەکە کەمیکردووە کە چوار هەزار و 400 ڕووداوی ئاگرکەوتنەوە بووە.

 

لەلایەکی دیکەوە: بەپێی ئامارەکان، تەنیا لە پارێزگای هەولێر لە چوار مانگی یەکەمی ئەمساڵ، 328 ڕووداوی ئاگرکەوتنەوە تۆمارکراون.