ئیسرائیل بۆ ئەردۆغان: چاوپۆشی لە تاوانەکانی حەماس دەکەیت

ئاڤا نیوز 

لێدوانە دژ بە یەکەکانی ئیسرائیل و تورکیا لەسەر پرسی غەززە بەردەوامن، ئیسرائیل حەماس بە "تیرۆرست" تۆمەتباردەکات، تورکیاش ئیسرائیل بە "کۆمەڵکوژی".

بۆچی گرنگە: پشتیوانییە بەردەوامەکانی تورکیا بۆ حەماس کاریگەری لەسەر ئیسرائیل دروست کردووە، ئیسرائیل دەیەوێت تورکیا واز لە پاڵپشتیکردنی حەماس بهێنێت.

وێنە گەورەکە: وەزارەتی درەوەی ئیسرائیل چیرۆکی کوژرانی "نۆڤا" نوێ دەکاتەوە، باس لەوە دەکات " حەماس سووکایەتی بە تەرمەکەی کردووە و ئەردۆغان هەموو ئەمانە دەبینێت و چاوپۆشی لێدەکات".

ڕاگەیێنراوی فەرمی: ئیسرائیل کاتز، وەزیری درەوەی ئیسرائیل لە تۆڕی کۆمەڵایەتی ئێکس بە ئەردۆغان دەڵێت:" ئەو حەماسەی تۆ بە ڕێکخراوێکی بەرخۆدان ناوی دەبەیت، کچێکی بێ تاوانی کوشت و سووکایەتی بە تەرمەکەی کرد".

بۆچوونی لایەنی بەرامبەر: وەزارەتی دەرەوەی تورکیا لە ئێکس وەڵامی داوەتەوە، کۆمەڵێک وێنەی کۆمەڵکوژییەکانی ئیسرائیلی داناوە و نووسیویەتی: "ئەمە وەڵامی ئێمەیە بۆ ئیسرائیلی تاوانبار بە کۆمەڵکوژی".