دوایین زانیاریی لەبارەی دۆزینەوەی هێلیکۆپتەرەکەی سەرۆککۆماری ئێران

ئاڤا نیوز

 

دوای زیاتر لە 10 کاتژمێر لە گەڕان بەدوای هێلیکۆپتەرە ونبووەکەی سەرۆککۆماری ئێران، هێشتا چارەنووسی هێلیکۆپتەرەکە دیارنییە.

 

ئەوەی لەبارەیەوە دەگوترێت: ئاژانسی ڕۆیتەرز ڕایگەیاند: هێلیکۆپتەری سەرۆککۆماری ئێران دۆزرایەوە و تاوەکو ئیستاش ڕەوشی تەندروستیی ڕەئیسی نادیارە.

 

لەلایەکی دیکەوە: مانگی سووری ئێرانی ئەو هەواڵانەی بە درۆ خستنەوە کە باس کە دۆزینەوەی هێلیکۆپتەرەکەی سەرۆک کۆماری ئێران دەکەن. ئاماژە بەوەش دەدات کە گەڕان بەردەوامە.

 

ئەمەش بزانە: تورکیا درۆنی ئاکنجیی بۆ هاوکاریکردنی تیمەکانی ئێران ناردووە و بەسەر شوێنی ونبوونی هێلیکۆپتەری سەرۆککۆماری ئێرانەوە دەسووڕێتەوە، ئەمەش بۆ ئەوەی شوێنەکەی دیاری بکات و تیمەکان ئاگادار بکاتەوە.