ئێران لە هۆکاری کەوتنە خوارەوەی هێلیکۆپتەرەکەی سەرۆک دەکۆڵێتەوە

ئاڤا نیوز  

ئێران لە هۆکاری کەوتنە خوارەوەی هێلیکۆپتەرەکەی سەرۆککۆمار دەکۆڵێتەوە، بۆ ئەو مەبەستەش تیمێکی باڵای پێکهێناوە و دەستیان بەکار کردووە.

بۆچی گرنگە: ڕووداوی کەوتنە خوارەوەی هێلیکۆپتەرەکەی سەرۆککۆماری ئێران کاردانەوەو گومانی زۆری بەدوای خۆیدا هێناوە، بۆ گەیشتن بە ڕاستی ڕووداوەکە و دەرخستنی ڕاستییەکان، حکومەتی ئێران دەستی کردووە بە لێکۆڵینەوە.

چیرۆکی سەرەکی: ئێوارەی ڕۆژی یەکشەممە 19-05-2024 هێلیکۆپتەری ئیبراهیم ڕەئیسی لە کاتی گەڕانەوەی بۆ تاران، لە خاڵێکی سنووریی تەورێز بەهۆی "خراپیی کەشوهەوا" تێکشکاو بەهۆیەوە سەرۆککۆمار و هەشت لە یاوەرەکانی گیانیان لەدەست دا. 

ڕاگەیێنراوی ڕۆژنامەوانی: بەپێی هەوڵێکی ئاژانسی تەسنیمی ئێرانی لیوا باقری، سەرۆکی دەستەی گشتی ئەرکانی هێزە چەکدارەکانی ئێران، تیمێکی باڵای ڕاسپاردووە بۆ ئەوەی لە هۆکاری تێکشکانی فڕۆکەکەی ئیبراهیم ڕەئیسی سەرۆککۆمار بکۆڵنەوە".

زانیاریی زیاتر: تیمەکە چوونەتە شوێنی ڕووداوەکە بۆ ئەوەی دەستبەکاربن، هاوکات تا ئێستا حکومەتی تاران هیچ شتێکی لەبارەی هۆکاری کەوتنەخوارەوەی فڕۆکەکە نەگوتووە.