فەرەنسا پشتیوانی دەستگیرکردنی سەرانی ئیسرائیل و حەماس دەکات

ئاڤا نیوز

 

فەرەنسا ڕایدەگەیێنێت، پشتیوانی لە سەربەخۆیی دادگەی دادی نێودەوڵەتی دەکات، کە داواکارە گشتییەکەی داوای دەرکردنی فەرمانی دەستگیرکردنی سەرۆکوەزیران و وەزیری بەرگریی ئیسرائیل و هەروەها یەحیا سینواری سەرکردەی حەماسی کردووە .

 

ڕاگەیێنراوی فەرمی: وەزارەتی دەرەوەی فەرەنسا ڕایگەیاند: "هێرشەکەی حەوتی ئۆکتۆبەری حەماس بۆ سەر ئیسرائیل سەرکۆنە دەکەین و هەروەها دەبێت ئیسرائیل پابەندی یاسای نێودەوڵەتی بێت، چونکە ئاستی قوربانیانی سڤیل لە غەززە جێگەی پەسەندکردن نییە." 

 

زانیاریی زیاتر: فەرەنسا ئەوەشی گوتووە، کە لەگەڵ ئەوەدا نییە لە هیچ دۆخێکدا کەسانێک هەبن لەو کارانەی کە دەیانکەن ببەخشرێن، بەڵکو دەبێت دادپەروەرییان بەسەردا جێبەجێ بکرێت. 

 

بۆچی گرنگە: پشتیوانیی فەرەنسا وەک یەکێک لە ئەندامانی هەمیشەیی ئەنجوومەنی ئاسایش بۆ دادگەی دادی نێودەوڵەتیی دەبێتە هۆی ئەوەی دادگا بتوانێت ڕۆڵێکی باشتر لە وەستاندنی شەڕی غەززە بگێڕێت.