دانیشتنی دادگەی فیدراڵی لەبارەی سکاڵاکەی سەرۆکوەزیران بارزانی دەستیپێکرد

ئاڤا نیوز 

 

دادگەی باڵای فیدراڵیی عێراق دادبینی بۆ سکاڵایەکی سەرۆکوەزیران مەسرور بارزانی لەبارەی هەڵبژاردنی پەرلەمانی کوردستان دەستپێکرد. 

 

زانیاریی بەدەستهاتوو: کەمێک پێش ئێستا؛ دادبینی دادگەی فیدراڵی لەبارەی سکاڵایەکەی سەرۆکوەزیران دەستیپێکردووە، کە لە سکاڵاکەدا داواکراوە پشت بە ژمارەی دانیشتووان ببەسترێت، هاوکات مافی پێکهاتەکان ڕەچاو بکرێت.

 

لەلایەکی دیکەوە: ڕۆژی سێشەممە 21-05-2024 کۆمیسیۆن لەبارەی کورسیی پێکهاتەکان پێداچوونەوەی بە بڕیارێکی خۆیدا کردووە، بڕیاری دا بە گەڕاندنەوە پێنج کورسیی پێکهاتەکان. 

 

ئەوەی پێویستە بیزانیت: بەهۆی تەواونەبوونی ڕێژەی یاسایی و ئامادە نەبوونی دوو دادوەر، دادگەی فیدراڵی دانیشتنەکەی لە ڕۆژی یەکشەممە 19-05-2024 ـەوە بۆ ئەمڕۆ سێشەممە دواخست.