قەتەر چەندین پڕۆژەی گەشتیاری و کشتوکاڵی لە زاخۆ جێبەجێ دەکات

ئاڤا نیوز

سەرۆکی کۆمپانیایەکی قەتەری لە هەرێمی کوردستانە، سبەی سەردانی زاخۆ دەکات بە مەبەستی پشکنین بۆ ئەو شوێنانەی کە بڕیارە قەتەر چەند پڕۆژەیەکی لێ جێبەجێ بکات. 

وێنە گەورەکە: بە ئامادەبوونی سەرۆکوەزیران بارزانی، ئێوارەی ئەمڕۆ یەکشەممە 26-05-2024، کۆنسوڵگەریی گشتیی قەتەر لە هەولێر دەکرێتەوە.

چیرۆکی سەرەکی: ڕێککەوتی 28-04-2024 شاندێکی ئیدارەی سەربەخۆی زاخۆ لە قەتەر، پێشنیازی جێبەجێکردنی 11 پڕۆژەی وەبەرهێنانیان بۆ کۆمپانیاکانی قەتەر کرد، ئێستا تاڕق خەلەف؛ سەرۆکی کۆمپانیان سەدارە هۆڵدینگ هاتووەتە هەرێمی کوردستان.

لێدوانی فەرمی: جگەرخوێن تاهر، بەڕێوەبەری گشتیی وەبەرهێنانی زاخۆ بە ئاڤا نیوزی گوت:دوای وردبینی و خەمڵاندنی قازانجی دارایی لە پڕۆژە گەشتیاریی و کشتوکاڵییەکان، تیمێکی تەکنیکی بۆ جێبەجێ کردنی سەردانی زاخۆ دەکەن.

زانیاریی زیاتر: ئەو پڕۆژانەی بڕیارە جێبەجێ بکرێن؛ پڕۆژەی گەلی زاخۆی گەشتیاری، کە دەبێتە گەورەترین پڕۆژەی گەشتیاریی لەسەر ئاستی هەرێمی کوردستان، دوو پڕۆژەی وەبەرهێنانی کشتوکاڵی لە ڕۆژهەڵات و ڕۆژئاوای شارەکە لەسەر ڕووباری خابوور دروستدەکرێن، دروستکردنی کۆمەڵگەیەکی بڕاندی خواردنگە جیهانییەکان، پڕۆژەی کۆرنیشی زاخۆ لە نزیک پردی دەلال.

ئەوەی پێویستە بیزانیت: تێچووی ئەو پڕۆژانە لەسەر ئەرکی ئەو کۆمپانیا قەتەریانە جێبەجێ دەکرێت.