سەرۆکی هەرێمی کوردستان و میری ئێزدییان دۆخى شنگال و ئاواره‌کانیان تاوتوێ کرد

ئاڤا نیوز

 

سه‌رۆكى هه‌رێمى كوردستان و میری ئێزدییان کۆبوونەوە و گفتوگۆیان لەبارەی دۆخى شنگال و ئاواره‌ ئێزدييه‌كان کرد.

 

ڕاگەیێنراوی فەرمی: نێچيرڤان بارزانى، سه‌رۆكى هه‌رێمى كوردستان له‌ ديدارێكدا له‌گه‌ڵ مير حازم ته‌حسين به‌گ، ميرى ئێزدييان له‌ كوردستان و عێراق و جيهان، پشتگيريى خۆى بۆ میر و ته‌واوى مافه‌كانى ئێزدييان دووپات كرده‌وه‌.

 

زانیاریی زیاتر: هه‌ردوولا لەبارەی دۆخى ئێزدييان و مافه‌كانيان له‌ هه‌رێمى كوردستان و عێراق بيروڕايان گۆڕييه‌وه‌ و جه‌ختيان له‌ پێويستيى خزمه‌تكردنى باشترى‌ هاووڵاتييانى ئێزدى له‌ هه‌موو ڕوويه‌كه‌وه‌ كرده‌وه‌.

 

ئەوەی پێویستە بیزانیت: بەهۆی خراپی دۆخی ئەمنی و ئاوەداننەکردنەوەی، تاوەکو ئێستا هەموو ئاوارەکانی شنگال نەگەڕاونەتەوە ناوچەکانیان، ئەوانەی گەڕاونەتەوەش بەهۆی بوونی گرووپی چەکدار و کەمیی خزمەتگوزارییەکان لە دۆخێکی خراپدان.