ئەنجوومەنی ئاسایشی تورکیا: هەماهەنگیمان لەگەڵ عێراق دەچێتە قۆناغێکی نوێ

ئاڤا نیوز

 

ئەنجوومەنی ئاسایشی نیشتیمانی تورکیا باس لەوەدەکات، پەیوەندییە هاوبەشەکان و هاوکاریی و هەماهەنگیان لەگەڵ عێراق دەبەنە قۆناغێکی نوێ.

 

وێنە گەورەکە: کۆبوونەوەیەکی چوار کاتژمێریی ئەنجوومەنی ئاسایشی نیشتیمانی تورکیا، بە سەرۆکایەتی ڕەجەب تەیب ئەردۆغان سەرۆککۆماری تورکیا لە ئەنقەرە بەڕێوەچوو.

بابەتە ستراتیژییەکە: شەڕی گەریلاکانی پەکەکە و سەربازانی تورکیا لە سنوورەکانی هەرێمی کوردستان، بابەتی هەڵبژاردنی شارەوانییەکانی ڕۆژئاوای کوردستان کە لە ژێر دەسەڵاتی هەسەدەیە، تەوەری سەرەکی کۆبوونەوەکە بوون.

 

ڕاگەیێنراوی فەرمی: ئەنجوومەنی ئاسایشی نیشتیمانی تورکیا ڕایگەیاند، پەکەکە/کەجەکە-پەیەدە/یەپەگە، کە" ئەو زەویانەی لە عێراق و سووریا دەستیان بەسەردا گرت بوو، کردە قەڵغانی تیرۆر"، ئەو پشتیوانییەی کە پێشکەشی کرا، لەگەڵ هەموو سەرچاوەکانی لە ناوچەکەماندا لەناو دەچێت.

 

لەلایەکی دیکەوە: ئەنجوومەنی ئاسایشی تورکیا پێی وایە، فراوانکردنی بنەمای گرێبەستی نێوان عێراق و تورکیا، بەدەستهێنانی پێشکەوتنێکی کۆنکرێتیی لە بواری ئاسایشدا، هەوڵە هاوبەشەکان بۆ گەشەپێدانی ناوچەکە بەهێزتر دەکات.