ڕێکخراوی تەندروستیی جیهانی پاڵپشتی بۆ هەرێمی کوردستان دەردەبڕێ

ئاڤا نیوز

 

دوای ئەوەی دۆخی هەرێمی کوردستان بە ڕاپۆرتێکدا پێشکەش بە ڕێکخراوی تەندروستیی جیهانی کرا، ڕێکخراوەکە بەڵێنی پشتگیری و هاوکاری دەدات.

 

وێنە گەورەکە: هەرێمی کوردستان لە دوای شەڕی داعش، بە ڕەوشێکی ئابووری و دارایی سەخت تێدەپەڕێت، ڕێژەیەکی زۆر ئاوارە لە کەمپەکانی هەرێمی کوردستان نیشتەجێن و هاوکاری دەکرێن.

 

لێدوانی فەرمی: سامان بەرزنجی، وەزیری تەندروستی بە ئاڤا نیوزی گوت: بۆ جاری دووەم لە کۆبوونەوەی ساڵانەی ڕێکخراوی تەندروستیی جیهانی، وەک شاندی تەندروستیی حکومەتی هەرێمی کوردستان بەشدار دەبین.

 

لەلایەکی دیکەوە: شاندەکە کۆبوونەوەیەکی تایبەتی لەگەڵ حەنا بەلخی، بەرپرسی ئۆفیسی هەرێمی ڕۆژهەڵاتی ناوەڕاست، لە ڕێکخراوی تەندروستیی جیهانی کرد و بە ڕاپۆرتێک ڕەوشی هەرێمی کوردستانی لە ڕووی ئابووری و دارایی و ئاستەنگەکان پێشکەش کردن.

 

زانیاریی زیاتر: بەرپرسی ئۆفیسی هەرێمی ڕۆژهەڵاتی ناوەڕاست، لە ڕێکخراوی تەندروستیی جیهانی بەڵێنی پشتگیری وهاوکاری زیاتری بۆ هەرێمی کوردستان بە شاندەکە دا.