کۆڕەک تیلیکۆم بۆ چارەسەری کێشەکانی دەچێتە بەغدا

ئاڤا نیوز

 

هەفتەی داهاتوو کۆڕەک تێلیکۆم و دەستەی ڕاگەیاندن و پەیوەندییەکانی عێراق بۆ چارەسەرکردنی کێشەکانی نێوانیان کۆدەبنەوە.

 

وێنە گەورەکە: دوای نزیکەی ساڵێک لە ڕاگرتنی پەیوەندی ‌هێڵی کۆڕەک لەگەڵ هێڵە نێوخۆییەکانی دیکە، پڕۆسەکە نزیک دەبێتەوە لە چارەسەرکردن.

 

بۆچی گرنگە: بەچارەسەرکردنی ئەو کێشەیە هەموو پەیوەندییەکانی هێڵی کۆڕەک لەگەڵ هێڵەکانی دیکە ئاسایی دەبنەوە.

 

لێدوانی فەرمی: ئیبراهیم قەبۆ، جێگری سەرۆکی لیژنەی گواستنەوە و گەیاندن لە ئەنجوومەنی نوێنەرانی عێراق بە ئاڤا نیوزی گوت، "کۆمپانیای کۆڕەک تێلیکۆم پابەندییەکانی خۆی جێبەجێ کردووە، بەهۆی دانیشتنی دادگەوە چارەسەرەکە دواکەوتووە، هەفتەی داهاتوو کۆبوونەوەیەک بۆ چارەسەری کۆتایی کێشەکانیان دەکەن".

 
باکگراوند: بەرواری 2023-11-01 دەستەی پەیوەندییەکانی عێراق بە بڕیارێک پەیوەندیکردنی لەڕێگەی تۆڕەکانی ئاسیا و زەین بۆ کۆڕەک بە هۆکاری کەڵەکەبوونی قەرزەکانی کۆمپانیای کۆڕەک تێلیکۆم وەستاند.